अखबार नेपाल ट्रेन्डिङ

काठमाडौं: आईसीसी ट्वान्टी-२० विश्वकप एसिया छनोटको जारी खेलमा ओमानविरुद्ध नेपाललाई सातौ सफलता मिलेको छ ।

अभिनाश बोहोराले १४.४ ओभरमा विकेट लिँदै नेपाललाई सातौ सफलता दिलाएका हुन् । यसअघि सन्दिप लामिछानेले  १३औं ओभरको खेल लगातार दुई विकेट लिए भने सोमपाल कामीले दुई तथा करन केसी र गुल्सन झाले एक–एक विकेट लिएका छन् । १३ ओभरको समाप्तिमा ओमानले जम्मा ९२ रन जोडेको छ । कीर्तिपुरस्थित टीयू क्रिकेट मैदानमा जस जितेर नेपालले फिल्डिङ रोजेपछि ओमानले ब्याटिङ गरिरहेको छ ।

समूह ‘ए’को  नेपाल र ओमान यसअघि नै दुई खेल जितेर सेमिफाइनल पुगिसकेका छन् । यसअघि भएका खेलमा दुवै टोलीले अपराजित रहँदै समान चार अङ्क जोडेका छन् । तर ओमान नेटरनरेटका आधारमा शीर्षस्थानमा छ भने नेपाल दोस्रो स्थानमा छ । आजको खेलबाट समूहको विजेता र उपविजेताको टुङ्गो लाग्नेछ ।