अखबार नेपाल ट्रेन्डिङ

काठमाडौं: एसिया कप क्रिकेट प्रतियोगिता अन्तर्गत मुलतानमा जारी खेलमा नेपालले पाकिस्तानविरुद्ध लगातार दोस्रो सफलता हात पारेको छ ।

तीव्र गतिका बलर सोमपाल कामीले नेपाललाई दोस्रो सफलता दिलाए । सोमपालले सातौँ ओभरको पहिलो बलमा इमाम उल हकलाई कप्तान रोहित पौडेलले रन आउट गराउँदै नेपाललाई लगातार दोस्रो सफलता दिलाए ।

त्यसअघि अलराउण्डर करण केसीले एसिया कपमा पाकिस्तानविरुद्ध नेपाललाई पहिलो सफलता दिलाएका थिए । करणले छैटौँ ओभरको तेस्रो बलमा ओपनर ओपनर फखर जमानलाई विकेट किपर आशिफ शेखको हातबाट क्याच आउट गराउँदै पवेलियन पठाएका थिए ।

मुलतान क्रिकेट स्टेडियममा पाकिस्तानले टस जितेर ब्याटिङ रोजेपछि नेपालले बलिङ गरिरहेको छ । पहिलो ओभरमा नै ९ रन खर्चेका सोमपालले आफ्नो दोस्रो ओभर मेडन राखेका थिए । करण केसीले आफ्नो पहिलो ओभरमा २ रन दिदा दोस्रो ओभरमा ५ रन दिए ।