अखबार नेपाल ट्रेन्डिङ

अष्ट्रेलिया: न्युजिल्याण्डले फिफा महिला विश्वकप फुटबल २०२३ मा विजयी सुरुआत गरेको छ । इडेन पार्कमा बिहीबार भएको उद्घाटन खेलमा नर्वेलाई १-० गोल अन्तरले हराउँदै घरेलु टोली न्युजिल्याण्डले सुखद सुरुआत गरेको हो ।

खेलको पहिलो हाफ गोलरहित बराबरीमा टुंगिएको थियो । तर दोस्रो हाफमा आक्रमक शैलीमा मैदान उत्रिएको न्युजिल्यान्डका लागि विल्कसनले ४८औं मिनेटमा गरेको गोल नै निर्णायक बन्यो ।

निर्धारित समयको अन्तिम मिनेटका न्युजिल्यान्डले पेनाल्टी पाएको थियो । तर, रिया पर्सिभाल पेनाल्टीमा चुक्दा न्युजिल्यान्डले अग्रता दोब्बर बनाउन पाएन ।

जितसँगै घरेलु टिम न्युजिल्यान्डले विश्वकपमा विजयी सुरुआत गरेको छ । अस्ट्रेलियासँग संयुक्तरूपमा आयोजक रहेको न्युजिल्यान्डले समूह ‘ए’अन्तर्गत २५ जुलाईमा फिलिपिन्स र स्वीटजरल्यान्डसँग खेल्ने छ ।