अखबार नेपाल ट्रेन्डिङ

काठमाडौं: नेपाल कम्युनिष्ट पार्टी नेकपाले जिल्लाका ईन्चार्ज र सहईन्चार्जको जिम्मेवारी टुङगो लगाएको छ । प्रधानमन्त्री निवास बालुवाटारमा हिजो बसेको पार्टी सचिवालय बैठकले ७७ जिल्ला र ६ महानगरका लागि नेतृत्व टुङ्ग्याएको हो ।

बैठकले केन्द्रीय विभाग, आयोग तथा सल्लाहकार समितिको समेत टुङगो लगाउने भनिएपनि गृहकार्य नपुगेको भन्दै जिल्ल्लाको जिम्मेवारीको विषयमा मात्र निर्णय गरेको पार्टीका प्रवक्ता नारायणकाजी श्रेष्ठले जानकारी दिए । ४५ जिल्ला पुर्व एमाले र ३८ पुर्व माओवादीलाई पर्ने जिम्मेवारी बाँडफाड गरिएको छ । ६ महानगरमा २ पुर्व माओवादी र ४ पुर्व एमालेको भागमा जिम्मेवारी परेको हो । ८३ ईन्चार्ज र सहईन्चार्ज टुङग्याएको नेकपाले मंगलवार बस्ने बैठकले विभाग आयोग र सल्लाहकार समितिको टुङगो लगाएको थियो ।

बैठक बस्नुअघि पुर्व एमाले र पुर्व माओवादीका नेताहरुले छुट्टाछुट्टै छलफल गरि सवै निर्णय गर्ने गृहकार्य गरेपनि नेताहरु निर्णयमा पुग्न नसक्दा संगठनको प्रकृयाले पुर्णता पाउने काम लम्विएको हो । नेकपाको अर्को बैठक मंगलवार पार्टी मुख्यालय धुम्वाराहीमा बस्ने जानकारी प्रवक्ता श्रेष्ठले दिए ।