अखबार नेपाल ट्रेन्डिङ

काठमाडौं: देशको पूर्वी, मध्य र पश्चिम क्षेत्रमा आज भारी वर्षा हुन सक्ने भन्दै आउँदो २४ घण्टासम्म सर्तकता अपनाउन मौसम पूर्वानुमान महाशाखाले आग्रह गरेको छ । मनसुन न्यून चापीय रेखा नेपालको तराई भू-भागमा रहेकाले मनसुनी गतिविधि देशभर सक्रिय बनेको मौसम पूर्वानुमान महाशाखाले जनाएको छ ।

अहिले देशको मध्य तथा पूर्वी क्षेत्रमा सामान्यदेखि पूर्णतया बदली रहेको र पश्चिमी क्षेत्रमा आंशिकदेखि सामान्य बदली रहेको बिभागले जनाएको छ । अहिले पनि पूर्वी, मध्य तथा पश्चिमी क्षेत्रका केही स्थानमा वर्षा भैरहेको छ त्यसैले आउँदो २४ घण्टासम्म सर्तकता अपनाउन मौसम पूर्वानुमान महाशाखाले आग्रह गरेको छ । वर्षाका कारण देशको पहाडी भूभागमा पहिरो र तराईमा बहने नदीमा जलको बहाब बढेर बाढी जान सक्ने देखिको भन्दै महाशाखाले सचेत रहन आग्रह गरेको हो ।

यस्तै, हवाई तथा सडक यातायातमा समेत वर्षा र कम भिजिविलिटीका कारण सामान्य अवरोध आउन सक्ने भन्दै सतर्कता अपनाउन पनि उसले आग्रह गरेको छ । महाशाखाले आउँदो तीनदिनसम्म मौसम बदली भई देशका विभिन्न स्थानमा भारी वर्षाको सम्भावना रहेको पूर्वानुमान समेत गरेको छ ।