अखबार नेपाल ट्रेन्डिङ

काठमाडौं: राष्ट्रपटि विद्यादेवी भण्डारीबिरुद्ध सर्बोच्च अदालतमा परेको रिटको सुनुवाई आज हुँदैछ । नागरिकता विधेयक प्रमाणिकरण नगरेको भन्दै उनीबिरुद्ध रिट परेको थियो ।

राष्ट्रपति भण्डारीले संसदका दुवै सदनबाट पास भएको विधेयक प्रमाणीकरण नगरेको भन्दै सर्वोच्चमा दायर पाँचवटा मुद्दाको प्रारम्भीक सुनुवाइ आज हुन लागेको हो।

उक्त रिटमा शुक्रबार नै सुनुवाइ हुने भनिए पनि समय अभावका कारण भएको थिएन । शुक्रबार पाँचवटै मुद्दाको पेशी न्यायधीश डाक्टर मनोजकुमार शर्माको एकल इजलासमा परेको थियो ।

राष्ट्रपति भण्डारीले नागरिकता विधेयकलाई प्रमाणीकरण नगरेपछि राष्ट्रपतिको कार्यालयलाई विपक्षी बनाई प्रमाणीकरणको माग गर्दै रिट दायर गरिएको हो ।

संविधानको धारा ११३ को उपधारा (४) मा राष्ट्रपतिले कुनै विधेयक सन्देशसहित फिर्ता गरेमा त्यस्तो विधेयकमाथि दुवै सदनले पुनःविचार गरी त्यस्तो विधेयक प्रस्तुतरूपमा वा संशोधनसहित पारित गरी पुनः पेश गरेमा त्यसरी पेश भएको १५ दिनभित्र राष्ट्रपतिले प्रमाणीकरण गर्नुपर्ने व्यवस्था छ ।