अखबार नेपाल ट्रेन्डिङ

काठमाडौं: काठमाडौं महानगरपालिकाले सडकमा जथाभावी थुपारिएको निर्माण सामाग्री हटाउन शुरु गरेको छ । महानगरले डोजर लगाएर सडकमा राखिएको निर्माण सामाग्री हटाएको हो ।

निजी प्रयोजनका लागि सडकमा नै निर्माण सामाग्रीहरु राखेर निर्माणकार्य भएका ठाउँको सामाग्री महानगरले उठाउन थालेको महानगरले जनाएको छ ।

नयाँ बानेश्वरमा रहेको युनिग्लोबल कलेज अगाडि थुपारेको निर्माण सामाग्री महानगरको आफ्नै गाडीमा लोड गरेर टेकु लगिएको छ ।

निर्माण सामाग्री बाटोमा नै राखेर निर्माण गर्दा पैदल यात्रु र सवारी आवतजावतमा समेत आसर पर्ने गरेको छ ।

महानगरपालिकाले अबैध संरचना र होर्डिङ बोर्डसँगै अब सडकमा थुपारिएका निर्माण सामाग्री हटाउन शुरु गरेको छ ।