अखबार नेपाल ट्रेन्डिङ

काठमाडौं: वरिष्ठ पत्रकार इन्द्र रिजालले आगामी मंसिर ४ गते हुने निर्वाचनमा स्याङ्जा क्षेत्र न. १ प्रदेश(क) बाट उम्मेदवारी दिने घोषणा गरेका छन् ।

वरिष्ठ पत्रकार रिजाल २०४४ सालदेखि नेपाल विद्यार्थी संघको जिल्ला अध्यक्ष हुँदै नेपाल विद्यार्थी संघले गरेको हरेक आन्दोलनमा सक्रिय रहँदै आएका थिए ।

पत्रकारिता र राजनीतिलाईसँगै एकसाथ अगाडि बढाएका रिजाल अर्थ राजनीतिक विश्लेषक समेत हुन् । विगत ३ दशकदेखि मूलभारको पत्रकारितामा सक्रिय रिजाल प्रखर वक्ता, निष्ठाको राजनिति गर्ने र नेपाली कांग्रेसमा अवसर नपाएका नेताका रुपमा चिनिन्छन् ।

आगामी मंसिर ४ गते हुने निर्वाचनमा उनको लोकप्रियता र बौद्धिकतालाई मूल्याङ्कन गर्दै स्याङ्जा क्षेत्र न.१(क) बाट नेपाली कांग्रेसले उनलाई उम्मेदवार बनाउने निश्चित प्राय भएको छ ।  नेता रिजाललाई  गण्डकी प्रदेशको भावी मुख्यमन्त्रीको रुपमा हेर्न थालिएको छ ।

रिजाल नेपाली कांग्रसको १४औँ महाधिवेशन प्रतिनिधि हुन् भने नेपाली कांग्रसको केन्द्रिय सदस्यको सशक्त दाबीसमेत गरेका थिए । वरिष्ठ पत्रकार रिजाल अनलाइन डिजिटल पत्रिका नेपालबहस डटकममा प्रधान सम्पादक हुन् भने जनमञ्च, राष्ट्रपुकार, सदाबहार साप्ताहिकका सम्पादक समेत रहेर काम गरिसकेका छन् ।