अखबार नेपाल ट्रेन्डिङ

काठमाडौं: नेपाली कांग्रेसका नेता प्रदीप गिरीको पशुपति आर्यघाटमा अन्त्यष्टी गरिएको छ । स्व. गिरीलाई नेपाली कांग्रेसका पार्टी सभापति शेरबहादुर देउवा तथा बरिष्ठ नेता रामचन्द्र पौडेलले पार्टीको झण्डा ओढाएर अन्तिम बिदाई गरेका छन् ।

स्व. गिरीलाई अन्तिम बिदाईका लागि प्रमुख प्रतिपक्षी दल नेकपा एमालेका अध्यक्ष केपी शर्मा ओलीले आर्यघाटमै पुगी श्रद्धाञ्जली अर्पण गरेको थिए । सत्तारुढ दलका नेताहरुले पार्टी कार्यलय सानेपामा पुगेर अन्तिम श्रद्धाञ्जली अर्पण गरेका थिए ।

माओवादी केन्द्रका अध्यक्ष पुष्पकमल दाहाल(प्रचण्ड) एकीकृत समाजवादीका अध्यक्ष माधवकुमार नेपाल लगायत नेताहरुले पार्टी कार्यालयमा गई श्रद्धाञ्जली अर्पण गरेका थिए ।

लामो समयदेखि क्यान्सर रोगबाट पिडित गिरीको उपचारकै क्रममा मेडिसिटी अस्पतालमा हिजो राती साँढे ९ बजे निधन भएको थियो । उनलाई छोरा सन्तोष गिरीले दागबत्ती दिएका थिए ।

उनलाई पार्टीका नेता तथा कार्यकर्ताका साथै विभिन्न पार्टीका नेताहरुले अन्तिम श्रद्धाञ्जली दिएका थिए । उनलाई राष्ट्रिय सम्मान स्वरुप नेपाल प्रहरीको टुकुडीले सलामी समेत अर्पण गरेको थियो ।