अखबार नेपाल ट्रेन्डिङ

काठमाडौ : नेकपा माओवादी केन्द्रको स्थायी कमिटी बैठक सकिएको छ । पदाधिकारीको विषयलाई पार लगाउन बसेको बैठक केही निर्णय नै नगरी सकिएको छ ।

पार्टी मुख्यालयमा आज बिहान बसेको स्थायी समिति बैठकमा पदाधिकारी चयन गर्ने र समसामयिक राजनीतिक विषयबारे छलफल भएको थियो।

पार्टी प्रवक्त कृष्णबहादुर महराका अनुसार भोली दिउसो १ बजे फेरी बैठक बस्ने बताए । उनका अनुसारआजको वैठकमा पदाधिकारी चयन टुंगोमा पुग्न सकेन । ‘पदाधिकारी र कार्यक्रमबारे गम्भीर र विस्तृत रूपमा छलफल भए पनि आजको वैठकमा केही टुङ्गो लागेन । माओवादीले गत पुसमा महाधिवेशन गरे पनि अहिलेसम्म पदाधिकारी चयन गर्न सकेको छैन।

यही विषयलाई टुङ्गो लगाउने भने पनि आजको वैठकबाट केही निष्कर्ष निस्केन । पदाधिकारीबारे करिब करिब टुङ्गो लागिसकेकोले भोलीको बैठकले टुङ्ग्याउने विश्वास पार्टी प्रवक्ता महराले लिएका छन् ।