अखबार नेपाल ट्रेन्डिङ

महोत्तरी : आफ्नै कार्यालयमा काम गर्ने कर्मचारीमाथि गिद्ये नजर लगाउने सहकारीका म्यानेजरलाई प्रहरीले समातेको छ । महोत्तरीको गौशालाबाट पक्राउ पर्नेमा प्रभु वचत तथा ऋण सहकारी संस्थाका म्यानेजर सोनमा गाउँपालिका वडा नं. ७ का ३८ वर्षीय शत्रोहन यादव रहेका छन् ।

गत मंगलबार म्यानेजर यादवले सोही संस्थामा कार्यरत कर्मचारीलाई खाता खोल्नुपर्ने भन्दै घरमा बोलाएर बलात्कारको प्रयास गरेको प्रहरीले जानकारी दिएको छ । युवती यादवको पञ्जाबाट फुत्किएर भागेर ईलाका प्रहरी कार्यालय गौशाला गई उजुरी गरेकी थिईन । यादवलाई बिहीबार पक्राउ गरेको प्रहरीले जनाएको छ ।

यादवले यसअघि पनि बैंकमा कार्यरत युवतीहरुलाई जबर्जस्ती करणीको प्रयास गरेको आरोप लागेको छ ।