अखबार नेपाल ट्रेन्डिङ

धनगढी: दार्चुलामा जिप दुर्घटना हुँदा ५ जनाको मृत्यु भएको छ । शैल्यशिखर नगरपालिका-६ उल्लानीमा से१ज ५५१ नम्बरको जीप दुर्घटना हुँदा ५ जनाको मृत्यु भएको प्रदेश ट्राफिक कार्यालय अत्तरियाले जनाएको छ ।

दुर्घटनामा परी अन्य ८ जना घाइते भएका छन् । तीनमध्ये तीन जनाको अवस्था गम्भीर रहेको छ । उनीहरुको पहिचान भने खुल्न बाँकी छ ।

शैल्यशिखर नगरपालिका-६ का वडाध्यक्ष जगदिश सिंह धामीले दुर्घटनामा परेर एक महिला र ४ पुरुषको घटनास्थलमै मृत्यु भएको जानकारी दिए ।

जीप गोकुलेश्वरबाट जिल्ला सदरमुकाम खलंगातर्फ गइरहेको थियो । प्रहरीको टोली दुर्घटनास्थल पुगेको र विस्तृत विवरण आउन बाँकी रहेको जिल्ला प्रहरी कार्यालय दार्चुलाले जनाएको छ । प्रहरीका अनुसार जीप सडकबाट करिब २५० मिटर तल खसेको छ ।