अखबार नेपाल ट्रेन्डिङ

काठमाडौ : जनता समाजवादीका संघीय परिषद अध्यक्ष डा. बाबुराम भट्टराईकी छोरी मानुषी यमी भट्टराई काठमाडौबाट चुनाव लड्ने भएकी छिन । उनले आगाी आम निर्वाचनमा काठमाडौबाट चुनावी मैदानमा उत्रिने घोषणा गरेकी हुन ।

काठमाडौं क्षेत्र नम्बर ५ वडा ७ मध्ये एउटा क्षेत्रबाट प्रतिनिधिसभा निर्वचनमा उम्मेदवार बन्ने उनको तयारी गरेकी छिन । उनलाई काठमाडौंबाट चुनाव लड्न जनता समाजवादी पार्टीका युवा नेताहरुले आग्रह गरेको समाचार केही समयअघि मात्र बाहिर आएको थियो ।

यसअघि २०६४ सालको संविधानसभा निर्वाचनमा तत्कालिन नेकपा माओवादीकी नेता तथा मानुषीकी आमा हिसिला यमी काठमाडौं क्षेत्र नम्बर ७ बाट निर्वाचित भएकी थिइन् । तर २०७० सालको संविधानसभामा सोही क्षेत्रमा पराजित भएकी थिइन् ।

हाल जसपाको केन्द्रीय सदस्य रहेकी मानुषी संसदलाई राजनीतिक संस्कारयुक्त बनाउन आफू चुनाव लड्न चाहेको बताएकी छिन् ।