अखबार नेपाल ट्रेन्डिङ

काठमाडौँ : दुर्घटनामा परेको जहाजमा सवार सबैको मृत्यु भएको पुष्टि भएको छ ।

हिजोबिहानदेखि हराईरहेको तारा यएरको जहाज मुस्ताङको गाउँपालिका २ को सानोसरे भन्ने ठाउँमा दुर्घटनाग्रस्त अवस्थामा भेटिएको थियो ।

यार्सा टिप्न गएकाहरुले दुर्घटनाग्रस्त जहाजको फोटो खिचेर पठाएका थिए । अहिले उद्धार टोली घटनास्थलमा पुगेको छ । उनीहरुले दुर्घटनामा परेकाहरुको शव संकलन गरिरहेका छन् ।

दुर्घटनामा मृत्यु भएकाहरुको शवलाई दुर्घटनास्थलबाट सिधै काठमाडौ ल्याउने तयारी भईरहेको छ । हालसम्म १२ शव फेला पारेको थासाङ गाउँपालिकाका अध्यक्ष प्रदीप गौचनले जानकारी दिएका छन् ।

जहाजमा १९ यात्रुसहित ३ जना चालक दलका सदस्यहरु रहेका थिए ।