अखबार नेपाल ट्रेन्डिङ

काठमाडौं: फागुन २७, २८ र २९ गते नेपाल निर्माण व्यवसायी महासंघको २३औं साधारणसभा तथा १२औं अधिवेशन हुँदैछ ।

अधिवेशन  काठमाडौंको कमलादीस्थित नेपाल प्रज्ञा प्रतिष्ठानमा हुने भएको हो ।

महासंघको साधारणसभा तथा अधिवेशन प्रधानमन्त्री शेरवहादुर देउवाले उदघाटन गर्ने तयारी रहेको छ ।

कार्यक्रममा देशभरबाट १२ सय प्रतिनिधि र १२ सय पर्यपेक्षकको सहभागिता रहने महासंघको भनाई रहेको छ ।

अधिवेशनले आगामी समितिमध्ये अध्यक्ष, वरिष्ठ उपाध्यक्ष, एसोसिएट सहित ८ उपाध्यक्ष, महासचिव (१) उपमहासचिव (२) कोषाध्यक्ष र सहकोषाध्यक्ष सहित ४६ पदमा निर्वाचन हुनेछ ।

कार्यक्रम सम्पन्न गर्नका लागि महासंघका अध्यक्ष रवि सिंहको अध्यक्षतामा मूल आयोजक समिति र यस मातहत विभिन्न उपसमितिहरु गठन गरिएका छन् ।

महासंघको अध्यक्ष बन्नका लागि पाँच जना आकांक्षी देखिएका छन् ।

नयाँ अध्यक्ष बन्नका लागि हालका अध्यक्ष रवि सिंह, पूर्वअध्यक्ष रमेश शर्मा, वरिष्ठ उपाध्यक्ष निकोलस पाण्डे, पूर्व महासचिव रामशरण देउजा र व्यवसायी हुमनाथ कोइराला अध्यक्षका आकांक्षी देखिएका हुन् ।

नयाँ आकांक्षीहरुमा मध्ये पाँच जना नै अहिले अध्यक्ष बन्न दौडधुप गरिरहेका छन् । तर, नयाँ आकांक्षीहरुले प्यानल घोषणा भने गरेका छैनन ।

अध्यक्ष बन्न आकांक्षी देखाएकाहरु मध्ये अधिकांश कांग्रेस निकट रहेको बुझिएको छ ।