अखबार नेपाल ट्रेन्डिङ

काठमाडौं: अहिले एमसीसीको विषय झन पेचिलो बन्दै गईरहेको छ । यही विषयलाई लिएर साँझ ५ बजे सत्तारुढ गठबन्धनको बैठक बस्दैछ ।

त्यो भन्दा अगाडी गठबन्धनमै रहेको नेकपा माओवादी केन्द्रका अध्यक्ष पुष्प कमल दाहाल(प्रचण्ड), नेकपा एकीकृत समाजवादीका अध्यक्ष माधवकुमार नेपाल र जनता समाजवादीका नेता जीवनराम श्रेष्ठबीच भेटवार्ता सकिएको छ ।

एमसीसीलाई नेपाली कांग्रेसका सभापति एवम् प्रधानमन्त्री शेरबहादुर देउवाले जसरी पनि संसदमा टेबुल गर्ने बताएका छन् ।

प्रधानमन्त्रीको यस्तो अड्डीपछि गठबन्धनमा रहेका तर एमसीसीको विपक्षमा रहेका दलका नेताहरुको सकृयता ह्वात्तै बढेको छ ।

यही विषयलाई लिएर बैठक बसेको हो । बैठकपछि माओवादी केन्द्रका अध्यक्ष् प्रचण्डले आफूहरुले अन्तिम कसरत भनेको गठबन्धनलाई निरन्तरता दिने रहेको बताएका छन् ।

तथापी ठोस कुरा भने बाहिर आएको छैन । बैठकमा उनीहरुबीच के सहमति आयो भन्ने कुरा बाहिर आएको छैन । प्रचण्डले बैठकपछि बोलोको कुराले शंका उत्पन्न गराएको छ ।

कतै गठबन्धन नै टुटाउने खेलमा प्रचण्ड लागिरहेका त छैनन् भन्ने  । एमसीसीको विषयलाई लिएर प्रचण्ड सबैभन्दा बढी दौडधुपमा रहेका पनि छन् ।