अखबार नेपाल ट्रेन्डिङ

काठमाडौं: यतिखेर प्रधानमन्त्री निवास बालुवाटारमा गठबन्धनको बैठक बसिरहेको छ ।

अमेरिकी सहयोग परियोजना एमसीसीको विषयमा छलफल गर्न बोलाईएको बैठकमा सत्तागठबन्धनको एक घटन राष्ट्रिय जनमोर्चालाई भने बोलाईएको छैन ।

उता जनता समाजवादी पार्टीका अध्यक्ष उपेन्द्र यादव पनि सहभागी छैनन् । उनी उपत्यका बाहिर भएका कारण बैठकमा सहभागी नभएको बताईएको छ ।

बैठकमा नेपाली कांग्रेसबाट प्रधानमन्त्री देउवा, नेताहरू कृष्णप्रसाद सिटौला, गगन थापा, प्रकाशशरण महत, कानुन मन्त्री दिलेन्द्रप्रसाद बडु, माओवादी केन्द्रका अध्यक्ष पुष्पकमल दाहाल ‘प्रचण्ड’, नेता नारायणकाजी श्रेष्ठ, एकीकृत समाजवादी अध्यक्ष माधवकुमार नेपाल, झलनाथ खनाल, जनता समाजवादी पार्टीबाट बाबुराम भट्टराई र राजेन्द्र श्रेष्ठ सहभागी छन् ।

प्रधानमन्त्री देउवा एमसीसीलाई जसरी पनि अगाडी बढाउने तयारीमा रहेका छन् भने  सत्तासाझेदार दल माओवादी केन्द्र, नेकपा एकीकृत समाजवादी, राष्ट्रिय जनमोर्चा बिवक्षमा रहेका छन् भने जनता समाजवादी पार्टीभित्र पनि दुई खेमा देखिएको छ ।

बैठकपछि के होला भन्ने आम कौतुहलता यतिखेर चलिरहेको छ । माओवादी केन्द्रले एमसीसी टेलब भए सरकारबाटै बाहिरिने चेतावनी प्रधानमन्त्री देउवालाई दिसकेका छन् ।