अखबार नेपाल ट्रेन्डिङ

काठमाडौं: तेस्रो संस्करणको प्रधानमन्त्री कप एकदिवसीय क्रिकेट प्रतियोगिता अन्तर्गतको आज दुई खेल हुँदैछ । त्रिवि क्रिकेट मैदानमा नेपाल पुलीस र प्रदेश २ तथा मुलपानी क्रिकेट मैदानमा एपीएफ र प्रदेश ५ बीच प्रतिस्पर्धा हुनेछ ।

प्रतियोगिता अन्तर्गतको शनिबार भएको खेलमा नेपाल पुलीस र प्रदेश २ विजयी भएका छन् । त्रिभुवन आर्मीलाई ५० रनले पराजित गर्दै पुलीसले तेस्रो जित निकालेको छ भने प्रदेश १ लाइ १ सय ६१ रनले पराजित गर्दै प्रदेश २ ले दोस्रो जित निकालेको छ ।

किर्तीपुरस्थित त्रिवी क्रिकेट मैदानमा पुलिसले प्रस्तुत गरेको १ सय ६२ रनको लक्ष्य पछ्याएको आर्मी ४२ दशमलब ३ ओभरमा १ सय ११ रनमा समेटिएको थियो । टस हारेर पहिले ब्याटिङ गरेको पुलिसले ४९ औँ ओभरमा अलआउट हुँदै १ सय ६१ रन बनाएको थियो ।

मुलपानी क्रिकट मैदानमा प्रदेश २ ले प्रस्तुत २ सय ६६ रनको लक्ष्य पछ्याएको प्रदेश १ २९ औँ ओभरमा १ सय ४ रनमा समेटिएको थियो । टस जितेर पहिले ब्याटिङ गरेको प्रदेश २ ले पुरै ५० ओभर खेल्दै ९ विकेट गुमाएर २ सय ६५ रन बनाएको थियो ।