अखबार नेपाल ट्रेन्डिङ

काठमाडौं: नेपाली कांग्रेसको १४औं महाधिवेशन अन्तर्गत सभापति पदका उम्मेदवार शेखर कोइरालाले दोस्रो चरणको निर्वाचन लड्ने भएका छन् ।

उनले यसबारेमा जानकारी दिनको लागि अहिले पत्रकार सम्मेलन गर्न लागेका छन् ।

शेरबहादुर देउवाले पहिलो चरणमा पचास र एक मत ल्याउन नसकेपछि दोस्रो चरणमा निर्वाचन हुन लागेको थियो ।

तर, सभापतिको दौडमा रहेका प्रकाशमान सिंह, विमलेन्द्र निधि र कल्याण गुरुङले पनि देउवालाई समर्थन गर्ने घोषणा गरेपछि कोइरालाले चुनाव नलड्ने चर्चा चलेको थियो ।

स्रोतका अनुसार कोइरालाले दोस्रो चरणको निर्वाचन गर्ने बताएका छन् ।

निर्वाचन परिणाम आएलगत्तै शेखरले आफू पक्षका नेताहरुलाई होटल मेरिटमा छलफल गरेका थिए ।

उनले रामचन्द्र पौडेल, शशांक कोइरालासँग सुझाव मागेको र गगन थापा, मिनेन्द्र रिजाल लगायतसँग भने छलफल नै गरेको स्रोतले बताएको छ ।