अखबार नेपाल ट्रेन्डिङ

काठमाडौं: नेपाली कांग्रेसको सात वटै प्रदेशमा अधिवेशन आज उद्घाटन हुँदैछ । प्रदेश अधिवेशनका लागि आजबाट निर्वाचन प्रक्रिया सुरु हुँदैछ ।

प्रदेश नम्बर १ को विराटनगरमा, प्रदेश नम्बर २ को जनकपुरधाममा, बागमती प्रदेशको हेटौंडामा, गण्डकी प्रदेशको पोखरामा, लुम्बिनी प्रदेशको बुटवलमा, कर्णाली प्रदेशको सुर्खेतमा र सुदूरपश्चिम प्रदेशको धनगढीमा प्रदेश अधिवेशन हुनेछन् ।

समितिका अनुसार १६५ प्रतिनिधि सभा क्षेत्रबाट निर्वाचित महाधिवेशन  प्रतिनिधि र ३३० प्रदेश सभा क्षेत्रबाट निर्वाचित प्रदेश अधिवेशन प्रतिनिधिहरूले  आ–आफ्नो प्रदेशको नेतृत्व  चयनका लागि  मतदान  गर्नेछन् ।

कांग्रेसले प्रदेशमा सभापति, दुई उपसभापति, दुई महामन्त्री र एक महिलासहित तीन सहमहामन्त्री रहने गरी व्यवस्था गरेको छ । प्रदेश कार्यसमिति सदस्यहरू पनि प्रदेशमा रहनेछन् ।

कोषाध्यक्ष भने मनोनित गर्ने व्यवस्था छ । आज मतदाता नामावली  प्रकाशन  गर्ने कार्यतालिका छ । शुक्रबार उम्मेदवारी दर्ता गर्ने र १८ गते मतदान  हुँदैछ ।