अखबार नेपाल ट्रेन्डिङ

काठमाडौं: नेपाली कांग्रेसको १४औं महाधिवेशनमा प्रतिनिधिले २९ वटा मतपत्रमा मत हाल्नुपर्ने भएको छ ।

एक प्रतिनिधिले २९ मतपत्रमा मत हाल्दा ४५ मिनेटदेखि एक घण्टासम्म लाग्न सक्ने पार्टी केन्द्रीय महाधिवेशन प्रचारप्रसार विभाग प्रमुख विश्वप्रकाश शर्माले जानकारी गराएका छन् ।

कागजी मतपत्रमा भोट हाल्दा धेरै समय लाग्ने भएकोले डिजिटल भोटिङको विषयमा पनि छलफल भइरहेको उनको भनाइ छ । तर, अन्तिम निर्णय भएको छैन ।

काठमाडौंको राष्ट्रिय सभागृह र महेन्द्र पुलिस क्लबमा मतदानको व्यवस्था मिलाउने तयारी भइरहेको उनले बताए ।

कांग्रेस महाधिवेशन अन्तर्गत यही मंसिर २७ गतेदेखि उक्त स्थानमा मतदानको तयारी गरिएको हो ।

यसैबीच पार्टी सभापति शेरबहादुर देउवाले आज अपराह्न ४ बजे महाधिवेशनको लोगो सार्वजनिक गर्दैछन् ।

आज लोगो सार्वजनिक भएपनि दुई दिनपछि मात्र होडिङबोर्ड, सामाजिक सञ्जाल तथा सञ्चारमाध्यमबाट प्रचारप्रार गरिने जनाइएको छ ।

महाधिवेशनको नारा पनि तय गरिएको छ । प्रवक्ता शर्माका अनुसार ‘उत्साह, एकता, रूपान्तरण सफल बनाउन नेपाली कांग्रेसको १४ औं महाधिवेशन’ नारा तय गरिएको छ ।

महाधिवेशनका लागि नेपाली कांग्रेसले सातै प्रदेशका क्रियाशील सदस्यता विवरण सार्वजनिक गरेको छ । प्रदेशगत रूपमा सार्वजनिक क्रियाशील सदस्यताको सूचीलाई कांग्रेसले उमेर तथा समावेशिताका आधारमा पनि विश्लेषण गरेको छ ।

प्रदेश, उमेर र समावेशिताका आधारमा यस्तो छ कांग्रेसको क्रियाशील सदस्यता सूची

प्रदेश नम्बर १

१ लाख ७४ हजार ८ सय १३

प्रदेश नम्बर २

१ लाख ९ सय ९९

बागमती प्रदेशमा

१ लाख ८६ हजार ३ सय ३५

गण्डकी प्रदेशमा

१ लाख १८ हजार, १ सय ४५

लुम्बिनी प्रदेशमा

१ लाख ३१ हजार, १ सय १७

कर्णाली प्रदेशमा

५३ हजार ५ सय ९६

सुदूरपश्चिम प्रदेशमा

७५ हजार १ सय १

पुरुष: ६ लाख ४४ हजार ५६५ (७२%)

महिला: १ लाख ९५ हजार ३७२ (२१.९२%)

अन्य: १६९ (०.०१%)

उमेर अनुसार

१६–२५ वर्ष समूह

३८ हजार ९४२ (४.३७%)

२६–४० वर्ष समूह

२ लाख ४३ हजार २८७  (२७.३%)

४१–६० वर्ष समूह

३ लाख २१ हजार १८४ (३६.०४%)

७५ वर्षमाथि

११ हजार ६२३ (१.३%)

समावेशिताका आधारमा

दलित: ४४ हजार १७७ (४.९%)

आदिवासी जनजाति: २ लाख ६ हजार ७३६ (२३.१९%)

मुस्लिम: १६ हजार १४२ (१.८%)

थारु: २७ हजार ३३८ (३.०१%)

मधेसी: ८९ हजार ४३९ (१०%)

खस आर्य: ३ लाख ६७ हजार २७४ (४१.२१%)

पिछडिएको क्षेत्र: १४ हजार ३०६ (१.६%)

अपांगता भएका: १८२ (०.०२%)

अल्पसंख्यक: ६ हजार ६२५ (०.७४%)