अखबार नेपाल ट्रेन्डिङ

काठमाडौं:  सानिमा लाइफ इन्स्योरेन्सको प्राथामिक शेयर भोलि बांडफांड हुने भएको छ । सानिमा लाइफ इन्स्योरेन्सको दरबारमार्ग स्थित बिजनेस कार्यालयमा शनिबार बिहान  ११ बजे बांडफांड हुने भएको हो ।

कम्पनीले साउन २० गतेदेखि २४ गतेसम्म सार्वजनिक निष्काशन गरेको प्राथमिक शेयरमा २४ लाख १९ हजार ८४८ जनाले ३ करोड ६९  लाख ५१  हजार ८० कित्ताको लागि आवेदन दिएका थिए । कम्पनीले निष्काशन गरेको आइपीओमा योग्य आवेदक २३ लाख १३ हजार ५५६ जनामध्ये १७ लाख ६८ हजार १२२ जना आवेदकको हात खालि हुने भएको छ ।

विभिन्न कारणले एक लाख ६ हजार २९२ जनाको आवेदन रद्द भएको छ । त्यस्तै दोहोरो आवेदन दिने ५ हजार ४३४ जनाको पनि आवेदन रद्द भएको बिक्री प्रवन्धक प्रभु क्यापिटलले जनाएको छ । दुबै कारणले आवेदन रद्द हुनेको संख्या एक लाख ११ हजार ७२६ जना रहेका छन् । योग्य आवेदकको संख्या २३ लाख ८ हजार १२२ जना रहेको छ ।

कम्पनीले सर्वसाधारणका लागि ५४ लाख कित्ता शेयर शेयर बिक्री खुला गरेको थियो । धितोपत्र बांडफांड निर्देशिका अनुसार ५ लाख ५० हजारले १०/१० कित्ताका दरले प्राथमिक शेयर प्राप्त गर्न सक्ने छन् ।

सर्वसाधारण समुह तर्फको ६ लाख कित्ता मध्ये ५ प्रतिशत कर्मचारी र ५ प्रतिशत म्युचुअल फण्डका लागि बांडफांड गरिएको छ । कर्मचारीहरुले तीन लाख कित्ता र म्युचुअल फण्डले तीन लाख कित्ता शेयर प्राप्त गरेका हुन् ।

यो पनी पढ्नुहोस् :

नेपाल राष्ट्र बैंकले अपराह्न ४:१५ बजे मौद्रिक नीति सार्वजनिक गर्ने