अखबार नेपाल ट्रेन्डिङ

काठमाडौ: नेपाली कांग्रेसका सभापति शेरबहादुर देउवा प्रधानमन्त्रीमा नियुक्ति भएको एक महिना पुगेको छ ।

यो एक महिना बित्दा पनि अहिलेसम्म मन्त्रीपरिषदलाई पूर्णता दिन सकेको छैन । सर्बोच्च अदालतले संसद पुर्नस्थापना र प्रधानमन्त्रीमा देउवालाई नियुक्ति गर्न परमादेश जारी गरेपछि देउवा प्रधानमन्त्री नियुक्त भएका थिए ।

उनी आफू प्रधानमन्त्री हुँदा ४ र पछि एक जनालाई मन्त्री बनाएपनि अहिलेसम्म अरु मन्त्रीमण्डल गठन गर्न सकेका छैनन् । सत्ता गठबन्धनले सरकारको न्यूनतम साझा कार्यक्रम सार्वजनिक गरेपनि महत्वपूर्ण मानिएको मन्त्रिमण्डलले भने अझै पूर्णता पाउन सकेको छैन ।

अहिले मन्त्रालय भागवण्डामा गठबन्धन दलहरूबीच सहमति जुटे पनि सरकारमा सहभागी हुने विषयमा सत्तारूढ दलहरूबीच किचलो रहिरहेको छ । शुरुमा गठबन्धनमा सामेल दलहरुबीच नै किचलो भएको थियो ।

नेकपा एमालेका अध्यक्ष केपी शर्मा ओली र जनता समाजवादी पार्टी(जसपा) का दुई अध्यक्ष उपेन्द्र यादव र महन्थ ठाकुरका कारण बिचमा समस्या उत्पन्न भएको थियो । यसमा जसपाको अहिले निर्वाचन आयोगले यादव पक्षलाई पार्टीको आधिकारिकता प्रदान गरेपछि यो समस्या हल भयो ।

तर एमालेका बरिष्ठ नेता नेपाल पक्षको टुङ्गो अझै लाग्न सकेको छैन । आजका मितिसम्म पनि नेपाल पक्ष सरकारमा सामेल हुने समाचार बाहिर आउनुका कारण पनि मन्त्रीमण्डल बिस्तारमा ढिलाई हुन पुगेको राजनीतिक विश्लेषकहरु बतउँछन् ।

यता प्रधानमन्त्री देउवाले सरकारलाई पूर्णता दिन चाहे पनि माओवादी केन्द्र र जनता समाजवादी पार्टीले अझै मन्त्री छनोट गर्न नसकेका  कारण पनि हालसम्म मन्त्रीमण्डल बिस्तार हुन नसकेको हो ।  सरकारको न्यूनतम साझा कार्यक्रम सार्वजनिक गरेसँगै मन्त्रिमण्डललाई पूर्णता दिने सत्तागठबन्धले तयारी गरे पनि आ–आफ्नो दलभित्रको किचलोको कारण मन्त्रिमण्डलले पूर्णता पाउन सकेको छैन ।

उता मन्त्रिमण्डलले पूर्णता पाउन नसक्दा प्रधानमन्त्री देउवाले आफ्नो निजी सचिवालयसमेत गठन गर्न सकेका छैनन् । मन्त्रिमण्डललाई पूर्णता दिन सत्ता गठबन्धनका शीर्ष नेताहरूबीच दैनिकरूपमा वार्ता र छलफल हुने गरे पनि सहमतिमा पुग्न सकिरहेका छैनन् ।

नेपाली कांग्रेस, माओवादी केन्द्र र जनता समाजवादी पार्टीभित्र मन्त्री बन्न हानाथाप शुरू भएपछि मन्त्रिमण्डल विस्तारमा ढिलाई हुँदै आएको हो । नेकपा माओवादी केन्द्रका अध्यक्ष पुष्पकमल दाहाल(प्रचण्ड)ले पनि पार्टीबाट बसको नेतृत्वमा सरकारमा पठाउने भन्ने बारे अहिलेसम्म निर्णय गर्न सकिरहेका छैनन् । उता जसपामा पनि यही समस्या देखिएको छ  ।

मन्त्रीमण्डल बिस्तारलाई पूर्णता दिन नसक्नु कांग्रेसभित्रै पनि समस्या रहेको छ । देउपा पक्ष र बरिष्ठ नेता रामचन्द्र पौडेलपक्षबीच भागबण्डा नमिल्दा पनि मन्त्रीमण्डललाई पूर्णता दिन ढिलाई भईरहेको छ । अहिले देउवा नेतृत्वको सरकारलाई कोरोना संक्रमितको दर बढिरहे पनि रोकथाम र नियन्त्रणको लागि प्रभावकारी कार्यक्रम अझै सार्वजनिक गर्न सकिरहेको नसकिरहेको बात लाग्ने गरेको छ ।

कोरोनाका कारण दिनदिनै मानिसहरु मरिरहेका छन् । यस्तो अवस्थामा प्रभावकारी कार्यक्रम ल्याउनु देउवा सरकारलाई चुनौतिको विषय भएको छ । एकातिर मन्त्रीमण्डललाई पूर्णता दिन नसक्नु र अर्कोतिर आफ्नै सरकारलाई पूर्णता दिन नसक्दा देउवा थप आलाचित समेत हुन पुगेका छन् ।