अखबार नेपाल ट्रेन्डिङ

काठमाडौं:  नर्भिक इन्टरनेसनल हस्पिटलले सुगर, थाइराइड तथा बाथरोगको समस्या भएका बिरामीहरुलाई निःशुल्क ओपीडी सेवा दिने भएको छ । नर्भिक इन्टरनेसनल हस्पिटलले निःशुल्क ओपीडी अभियान अन्तर्गत आउने शनिबार दुई फरक–फरक क्षेत्रका विशेषज्ञहरुले सेवा दिने भएका हुन्  ।

शनिबार नर्भिकमा कार्यरत वरिष्ठ हर्मोन रोग विशेषज्ञ (Endocrinologist) डा. मधु पाण्डे र वरिष्ठ बाथरोग विशेषज्ञ (rheumatologist) डा. अभिलाषा शाहले फ्री ओपीडी सेवा दिने भएका हुन् । डा.द्वयले बिहान १० बजेदेखि मध्याह्न १२ बजेसम्म नर्भिक अस्पतालमै निःशुल्क ओपीडी सेवा दिनेछन् ।

डा. मधु पाण्डेसंग सुगर, थाइराइड तथा हर्मोनसँग सम्बन्धित जुनसुकै समस्या भएका बिरामीले लाभ लिन सक्नेछन् । डा. अभिलाषा शाहसँग बाथरोगको समस्या भएकाहरुले लाभ लिन सक्नेछन् ।

नर्भिकले दुई साताअघिदेखि आफ्नो कर्पोरेट सोसियल रेसपोनसिबिलीटी (सीएसआर) अन्तर्गत प्रत्येक शनिबार कुनै न कुनै विशेषज्ञ चिकित्सकलाई फ्री ओपीडी सेवाका लागि प्रस्तुत गर्ने गरेको छ।

निःशुल्क ओपीडी सेवा लिनका लागि नर्भिक अस्पतालका ओपीडी प्रमुख क्षितिज उप्रेतीलाई ९८४११८१२८१ नम्बरमा वा नर्भिक अस्पतालको ल्याण्डलाइन नम्बर ०१५९७००३२ मा फोन गरेर आफ्नो नाम टिपाउन सकिने अस्पतालले जनाएको छ।

प्रत्येक शनिबारको निःशुल्क ओपीडी सेवामा बस्ने विशेषज्ञ चिकित्सकहरुको विषयमा पूर्वजानकारी नर्भिक अस्पतालको वेबसाइट र फेसबुक पेजबाट गराइनेछ।

नर्भिक अस्पतालका सीईओ अजयकुमार मिश्रले प्रत्येक शनिबार अलग–अलग विशेषज्ञहरुलाई फ्री ओपीडी सेवामा प्रस्तुत गरिने उल्लेख गर्दै सम्बन्धित बिरामीहरुलाई भरपूर फाइदा लिन आह्वान गरेका छन्।

यो पनी पढ्नुहोस् :

ग्लोबल आइएमई बैंक क्लासिक भिल्लाको बैंकिङ पार्टनर