अखबार नेपाल ट्रेन्डिङ

काठमाडौं: करिव दुई किलो सुनसहित तीन जनालाई नेपाल प्रहरीले पक्राउ गरेको छ ।

काठमाडौँको गौशालाबाट उनीहरुलाई नियन्त्रणमा लिएको प्रहरीले बताएको छ  ।

महानरीय प्रहरी अपराध महाशाखाको टोलीले बुधबार बिहान एक किलो ८ सय ५० ग्राम सुनसहित उनीहरुलाई पक्राउ गरेको हो ।

कुबेतबाट आएका मानिसहरु मार्फत त्रिभूवन अन्तर्राष्ट्रिय विमानस्थलबाट सुन लिएको पक्राउ परेका तीन जनाले बताएको प्रहरीले जनाएको छ ।

यस विषयमा प्रहरीले थप अनुसन्धान गरिरहेको छ ।

सुन लिएर आउनेको खोजी भइरहेको प्रहरीले जानकारी दिएको छ ।