अखबार नेपाल ट्रेन्डिङ

काठमाडौंट्ठ काठमाडौंको कालोपुलमा एक युवतिमाथि एसिड प्रहार भएको छ । एसिड प्रहारबाट २० वर्षीय जेनी खड्का गम्भीर घाइते भएकी छिन् ।

उनको अनुहार, छाति, हात लगायतका शरीरका धेरै अंग जलेको काठमाडौं महानगरीय प्रहरी परिसरका प्रबक्ता होविन्द्र बोगटीले जानकारी दिए । उनको कीर्तिपुर अस्पतालमा उपचार भइरहेको जनाईएको छ । एसिड प्रहार गरेको आरोपमा काँडाघारी सनसिटी अपार्टमेन्ट नजिक बस्ने २८ वर्षीय विष्णु भुजेल पक्राउ परेका छन् ।

भुजेल युवतीका श्रीमान भएको समेत बताईएको छ । काभ्रे घर भएका भुजेलले आफ्नै श्रीमती जेमी खड्कालाई एसिड प्रहार गरि फरार भएपछि तत्काल उनलाई काठमाण्डौ काडाघारी सनसिटीवाट पक्राउ गरेको प्रबक्ता बोगटीले बताए । प्रहरीले घटनाबारे अनुसन्धान भइरहेको जनाएको छ । एसिड प्रहार गरेर फरार भएपछि फरार अभियुक्त खोज्न काठमाण्डौ प्रहरी तत्कालै परिचालित भएको थियो ।