अखबार नेपाल ट्रेन्डिङ

काठमाडौं: नेपालमा २ हजार ३ सय ७० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार गत २४ घण्टामा १ हजार १ सय ३३ जना निको भएर घर फर्केका छन् ।

मन्त्रालयका अनुसार गत २४ घण्टामा ७ हजार ६ सय ८९ पीसीआर परीक्षण गर्दा १ हजार ६ सय ९० जनामा कोरोना संक्रमण पुष्टि भएको छ ।

यस्तै ३ हजार ८ सय ९५ परीक्षण गर्दा ६ सय ८० जनामा एन्टिजेनमा पोजेटिभ देखिएको छ ।

गएको २४ घण्टामा १८ जनाको कोरोनाका कारण ज्यान गएको छ ।

मन्त्रालयका अनुसार सोमबारसम्म संक्रमणका कारण मृत्यु हुनेको संख्या ९ हजार ४ सय पुगेको छ ।