अखबार नेपाल ट्रेन्डिङ

रामेछाप: अवैध रुपमा माछा मारेको आरोपमा प्रहरीले रामेछाप जिल्लाको मन्थली नगरपालिका-८ का  का ९ जनालाई पक्राउ गरेको छ ।

लिखु तामाकोसी गाउँपालिका-६ खिम्ती खोलामा अवैध रुपमा करेन्टको प्रयोग गरी माछा मार्दै गरेको अवस्थामा प्रहरीले मंगलबार विद्युतीय व्याट्री, माछा मार्ने जाल, विद्युतीय तार तथा माछा सहित ९ जनालाई पक्राउ गरेको जिल्ला प्रहरी कार्यालय रामेछापका प्रहरी प्रमुख नवराज ढुंगानाले बताए ।

पक्राउ पर्नेहरुमा मन्थली नगरपालिका-८ का शेरबहादुर माझी, मिलन माझी, शमशेर माझी, सन्तबहादुर माझी, विष्णु माझी, प्रवीण माझी, सुनिल माझी, राजकुमार माझी र विपिन माझी रहेका छन् ।

उनीहरुलाई जलचर संरक्षण ऐन २०१७ अनुसार कारवाहीका लागि जिल्ला प्रशासन कार्यालयमा आज नै पेश गरिएको जिल्ला प्रहरी कार्यालय रामेछापले जनाएको छ ।

एउटा समुहले खिम्ती खोलामा अवैध रुपमा करेन्टको प्रयोग गरी माछा मार्दै गरेको सूचना पाएपछि जिल्ला प्रहरी कार्यालय र खिम्ती प्रहरी चौकीबाट गएको प्रहरीको संयुक्त  टोलीले उनीहरुलाई पक्राउ गरेको प्रनाउ ढुंगानाले जानकारी दिए ।