अखबार नेपाल ट्रेन्डिङ

काठमाडौंः नेपाल सुपर लिगको पहिलो फ्रेन्चाइज फुटबल (एनएसएल)मा उपत्यकाका दुई क्लब काठमाडौं रेजर्स र ललितपुर सिटी एफसी भिड्दैछन् ।

आजको नेपाल सुपर लिग खेलको विजेताले धनगढीसँगको उपाधि भिडन्त पक्का गर्नेछ ।

यसअघि पहिलो क्वालिफायरमा धनगढीसँग २-१ ले पराजित काठमाडौं ललितपुरमाथि जित निकाल्दै फाइनलमा स्थान बनाउन चाहन्छ

इलिमिनेटरमा बुटवललाई पन्छाएको ललितपुर पनि फाइनल प्रवेशको दाउमा छ ।

हिजो भएको इलिमिनेटरमा बुटवल लुम्बिनीलाई पराजित गरेको ललितपुर आज काठमाडौंविरुद्ध उत्रन लागेको हो ।

दोस्रो क्वालिफायर अन्तर्गत काठमाडौ र ललितपुरको खेल त्रिपुरेश्वरस्थित दशरथ रंगशालामा साँझ साढे ५ बजे सुरु हुनेछ ।

पछिल्लो ६ खेलमा अपराजित रहेको ललितपुर सिटी एफसी काठमाडौंविरुद्ध पनि अपराजित यात्रा कायमै राख्ने कोसिसमा हुनेछ ।

उपाधिको बलियो दाबेदार काठमाडौं समेत ललितपुरविरुद्ध आफ्नो सेट टिमबाट नतिजा निकाल्ने तयारीमा छ ।

यसअघि लिग चरणमा भएको भ्याली डर्बीको खेलमा काठमाडौंले ललितपुरलाई १–० गोल अन्तरले हराएको थियो ।

काठमाडौंको जितमा अफ्रिकन खेलाडी मेसौके ओलुमोउले विजयी गोल गरेका थिए ।

यो पनि पढ्नु होस्

https://www.akhabarnepal.com/%e0%a4%aa%e0%a4%bf%e0%a4%8f%e0%a4%b8%e0%a4%9c%e0%a5%80%e0%a4%95%e0%a4%be-%e0%a4%b8%e0%a5%8d%e0%a4%9f%e0%a4%be%e0%a4%88%e0%a4%95%e0%a4%b0-%e0%a4%a8%e0%a5%87%e0%a4%87%e0%a4%ae%e0%a4%be%e0%a4%b0%e0%a4%95/