अखबार नेपाल ट्रेन्डिङ

काठमाडौं:  सुर्खेतमा कोरोना संक्रमित बढेसँगै जिल्ला प्रशासन कार्यालय सुर्खेतले जिल्लाभर निषेधाज्ञा जारी गरेको छ । मंगलबार रातिदेखि लागू हुने गरी निषेधाज्ञा जारी गरेको हो ।

प्रशासन कार्यालयका अनुसार एम्बुलेन्स, शवबाहन, दलकल, झण्डावाल सरकारी र निलो प्लेटका सवारी साधनहरु, अत्यावश्यक सेवा संचालनमा खटिएका जनशक्तिले प्रयोग गरेका सवारीसाधनहरु मात्रै सञ्चालनमा आउनेछन् ।

सुर्खेतमा दैनिक उपभोग्य वस्तु तरकारी, खाद्य, दुध, ग्याँसका पसल बिहान ६ बजेदेखि नौ बजेसम्म मात्र सञ्चालन गर्न पाइने जिल्ला प्रशासन कार्यालयले जनाएको छ ।

संक्रमितको संख्या बढदै गइरहेको, भारतको सीमाबाट नेपाल फर्किने क्रम बढिरहेको, प्रदेश अस्पतालमा अक्सिजनको स्टक सीमित भएकोमा सुधार गर्न, धेरै भीडभाड हुँदै आएका कारण लकडाउन गर्नुको विकल्प नभएको जिल्ला प्रशासन कार्यालयले जनाएको छ ।

यो पनि पढ्नुहोस् :

जिल्ला प्रशासन कार्यालय पर्साले एक साताका लागि निषेधाज्ञा जारी