अखबार नेपाल ट्रेन्डिङ

काठमाडौं:  नेपाल टेलिकमले फाइभजी परीक्षणको स्वीकृती पाएको छ । रेडियो फ्रिक्वेन्सी निर्धारण समितिले टेलिकममार्फत फाइभजी परीक्षण गर्न एक वर्षको लागि अनुमति दिएको हो ।

सूचना प्रविधि तथा सञ्चार मन्त्री पार्वत गुरुङ अध्यक्ष रहेको रेडियो फ्रिक्वेन्सी निर्धारण समितिले नेपाल टेलिकमलाई एक वर्षसम्म देशैभरी फाइभजी परिक्षणका लागि स्वीकृती दिएको नेपाल दूरसञ्चार प्राधिकरणले जनाएको छ ।

रेडियो फ्रिक्वेन्सी निर्धारण समितिले नेपालमा फाइभजी सञ्चालनको तयारी गर्नका लागि स्वीकृती दिएको तर, कुन रेडियो फ्रिक्वेन्सीमा उक्त फाइभजी सेवा सञ्चालन गर्ने भन्ने निर्णय नभएको प्राधिकरणले जनाएको छ ।

हाल उपलब्ध रहेका रेडियो फ्रिक्वेन्सीहरु ३४ सय, ३६ सय, ७ सय, ८ सय, ९ सय, १८ सय, २३ सय, २६ सय र ३३ सय, ३३ सय, ४७ सय र २६ गिगाहर्ज ब्यान्ड मेगाहर्ज फ्रिक्वेन्सी फाइभजी प्रयोग गर्न सकिने प्राधिकरणले सिफारिस गरेको छ ।

टेकिलमले परिक्षण गर्ने फाइभजी सेवामा एक वर्षसम्म कसैसँग कुनै शुल्क लिन नपाउने र अन्य कम्पनीलाई बेच्न समेत नपाउने सर्त रहेको छ । फाइभजी फोरजीको अपग्रेड भर्सन भने हैन ।

नेपाल टेलिकमको फोरजी सेवाको सम्झौता हुँदा नै फाइभजी सेवा विस्तार सम्बन्धी सम्झौता भएकाले फोर जी सेवा विस्तारसँग जोडिएको योजना रहेको नेपाल टेलिकमले जनाएको छ ।

फोरजी सेवाको सम्झौता यो कोभिडका कारणले अलि डिला भयो र पनि यहि आर्थिक वर्षसम्म फोर जी सेवा विस्तारको सम्झौता बाँकी रहेको र आगामी आर्थिक वर्षको शुरुमा फाइभजी सेवाका लागि आवश्कय पर्ने उकरणहरु ल्याउने प्रक्रिया अघि बढ्न सक्ने छ ।

फाइभजीका लागि आवश्यक पर्ने उपकरणहरु नेपाल टेलिकमले उपलब्ध गराउने फ्रिक्वन्सीका आधारमा मात्र खरिद प्रक्रिया अघि बढ्ने छ । फाइभजी चलाउनका लागि अहिले फोरजीका लागि निर्माण गरेको अप्टिकल फाइभरले काम गर्ने भएपनि प्रिक्वन्सीका आधारमा मात्र उकरण मगाउन पर्ने भएकाले यसको प्रक्रिया अब प्राधिकरणले उपलब्ध गराउने फ्रिक्वन्सीमा निर्भर हुने छ ।

नेपालमा हाल टूजी, थ्रीजी र फोरजी प्रविधि प्रयोगमा छ । फोरजीमा सेवा प्रदायकले अर्बौं लगानी गरेका छन् । त्यो लगानीलाई पनि बचाउने गरी फाइभजीसम्बन्धी नीति ल्याउने सरकारी योजना छ ।

यो पनि पढ्नुहोस् :

अब नेपाली आकाशमै १० हजार फिटमाथिसम्मको उचाइमा फोन कल, इन्टरनेट तथा एसएमएस सुविधा पाईने