अखबार नेपाल ट्रेन्डिङ

एजेन्सी: विश्वकप २०२२ को युरोपियन छनोटमा चेक रिपब्लिक र बेल्जियमले १–१ गोलको बराबरी खेल्दै अंक बाँडेका छन् ।

निकै नै प्रतिस्पर्धात्मक खेलको पहिलो हाफ गोलरहित बराबरीमा सकिएको थियो ।

खेलको ५०औं मिनेटमा लुकास प्रोभोडले गोल गर्दै चेकलाई १–० को अग्रता दिलाए ।

यसैबीच खेलको ६०औं मिनेटमा बेल्जियमका लागि रोमेलु लुकाकुले गोल गर्दै खेललाई १–१ गोलको बराबरीमा ल्याए ।

त्यसपछि दुवै पक्षबाट थप गोल निस्कन नसक्दा खेल बराबरीमा सकियो ।

बराबरीपछि समूह ‘ईं’ मा चेक रिपब्लिक २ खेलबाट ४ अंक जोडेर शीर्षस्थानमा यथावत रहेको छ ।

समान ४ अंक नै भएपनि बेल्जियम गोल अन्तरमा दोस्रो स्थानमा रहेको छ ।

बेलारुस ३ अंक जोडेर तेस्रो स्थानमा रहेको छ ।

अंकविहीन वेल्स र इस्टोनिया चौथो र पाँचौ स्थानमा रहेको छ ।

यही समूहको अर्को खेलमा बेलारुसले इस्टोनियामाथि ४–२ को जित निकालेको छ ।

बेलारुसको जितमा भिटाली लिसाकोभिचले दुई तथा युरी केन्डस र पाभेलले समान १ गोल गरे ।

इस्टोनियाका हेनरी एनिएरले दुवै गोल गरेपनि हार टार्न सकेन ।

विश्वकप २०२२ को युरोपियन छनोटमा क्रोएसिया र नेदरल्यान्ड्सको जित