काठमाडौं: भन्सार विभागले माघ १३ गतेदेखि एकद्वार प्रणाली लागू गर्ने भएको छ । विभागले भन्सार दिवसको अवसर पारेर सो प्रणाली लागू गर्न लागेको हो ।

विभागले माघ ७ गतेदेखि १३ गतेसम्म भन्सार सम्बन्धि विभिन्न कार्यक्रम तथा गतिविधि गरेर भन्सार सप्ताह मनाउँदै छ । आइतबार कृषि तथा पशुपन्छी मन्त्रालय अन्तर्गतको तीन वटा विभागसँग एकद्वार प्रणाली लागू गर्ने सम्बन्धमा सम्झौता गर्न लगेको विभागले जनाएको छ ।

विभागले आइतबार कृषि विभाग, पशुसेवा विभाग तथा खाद्य प्रविधि तथा गुण नियन्त्रण विभागसँग सम्झौता गर्दैछ । भन्सार सप्ताहकैबीच अर्थ, कृषि र उद्योगमन्त्रीलाई राखेर यस सम्बन्धमा कार्यपत्र प्रस्तुत गरिसकेको र एक द्वारा प्रणाली कार्यान्वयनको लागि यो प्रक्रिया अघि बढाइएको हो ।

खाद्य प्रविधि तथा गुण नियन्त्रण विभाग, पशु सेवा विभाग र प्लाण्ट क्वारेन्टाइन केन्द्रको सेवा एकै प्रणालीमार्फत प्रदान गरिने प्रणाली कार्यान्वयनबारे भन्सार विभागले अर्थ, उद्योग र कृषि मन्त्रीलाई ब्रिफिङ गरिसकेको छ ।

आयात र निर्यातलाई भन्सारसँग आवद्ध गरी अन्तर्राष्ट्रिय व्यापारलाई सहजीकरण गर्न राष्ट्रिय एकद्वार प्रणाली सुरु गर्न लागिएको हो । एकद्वार प्रणाली सुरु भएपछि तीनवटै विभाग र अन्तर्गतका कार्यालयहरुमा डिजिटल प्रणालीको सुरुवात हुने छ । व्यापारसँग जोडिएका सरकारी र निजी गरी ४० वटा निकायमा एकद्वार प्रणाली लागू गर्न लागिएको हो ।

नेपालमा आयात हुने खाद्यान्न तथा औषधि, अरु उपकारण लगायतका मालवस्तुहरूले मानव जीवनमा प्रतिकूल असर पुर्याउन सक्छ वा हानी नोक्सानी पुर्याउँछ त्यस्ता वस्तुको गुणस्तर मापन गर्नुपर्ने हुन्छ । यस्तो वस्तुको भेरिफिकेशन गरेर लाइफ टाइम प्रमिट सर्टिफिकेट दिनुपर्ने हुन्छ ।

ती आयात हुने मालवस्तुको करिब ९० प्रतिशत कृषि, पशुसेवा तथा खाद्य प्रविधि तथा गुण नियन्त्रण विभागको हिस्सा रहन्छ । त्यसकारण यी तीन विभागमा एकद्वार प्रणाली लागू भएमा ठूलो परिवर्तन ल्याउँछ ।

नेपाल उद्योग वाणिज्य महासंघले आइतबार भन्सार सम्बन्धि अन्तक्रिया कार्यक्रम गर्दैछ । राष्ट्रिय व्यापार संघले आइतबार न्यूरोडमा कार्यक्रम गर्दैछ । सोमबार नेपाल उद्योग परिसंघले निकाशी प्रवद्र्धन सम्बन्धी अन्तक्रिया गर्दैछ । सोमबार नेपाल चेम्बर अफ कमर्शले एलिट ब्यांकेटमा अर्थमन्त्री सहितको अन्तरक्रिया कार्यक्रम गर्दैछ ।

यो पनि पढ्नुहोस् :

नेपाल बैंकले आफ्नो ३९औं एक्स्टेन्सन काउण्टर दोलखा