काठमाडौं:  कतारमा नेपाली दूतावासका कर्मचारी गैरजिम्मेवार बन्दा कामदार पठाउने काममा समस्या आएको छ । कोरोना भाइरस संक्रमणपछि नेपाली कामदारहरुका लागि आउने मागपत्र प्रमाणीकरण गर्ने जिम्मेवारी पाएका श्रम सहचारीका कारण फेरि समस्या परेको हो ।

कतारका विभिन्न कम्पनीहरु र नेपालका म्यानपावर कम्पनीबीचमा कामदार पठाउने सम्झौता भएपनि फाइल अहिले कतारको श्रम सहचारी अनुप गौतमको टेबलमा नै थुप्रिन पुगेको छ । कतारका श्रम सहचारी गौतमका कारण थुप्रै नेपाली कामदार विदेश जानबाट बन्चित भएको गुनासो आउन थालेको छ ।

नेपाली दूतावास कार्यालयमा अनुमतिका लागि पुगेका सयौं फाइल दूतावासमा नै अड्केको कारण नेपाली कामदारहरू कतार जाने प्रकृया नै रोकिएको नेपाल बैदेशिक रोजगार व्यवसायी संघ सम्बद्ध स्रोतले जनाएको छ ।

कतारको राम्रो कम्पनीहरुको डिमाण्ड श्रम शहचारीले बिना कारण प्रमाणीकरण फाइल रोकेर कतारी कम्पनीलाई दुःख दिने , कतारकै लोकल एजेन्सी प्रयोग गरि डिमाण्ड हत्याउने र आफू अनुकुलका कम्पनीलाई डिमाण्ड दिन लगाइ लाभ लिने गरेको गुनासो ब्यावसायीले गरेका छन् ।

ब्यावसायीहरु सहचारीले आफ्नो जिम्मेवारी पूरा नगरी फाइदामात्र हेरेर काम गरेको भन्दै गुनासो लिएर श्रम सचिब तोयम रायलाई भेटेका छन् । ब्यावसायीले सचिव सामु सहचारी हटाउनसमेत माग गरेका छन् ।

उनीहरुले, ‘हामी दुताबास त्यसै आएको हैन सबै निकायमा सहकार्य गर्नुपर्छ । कयौ उजुरी भएका कम्पनीलाई काम गर्न दिइयो अरुको फाइल रोकियो ।’ भन्दै सचिवालाई गुनासो गरेको एक सहभागिले बताए ।

उनका अनुसार बि आरके कम्पनी, बब स्टार कम्पनी र प्रेट्रोसप कम्पनी बाट १७ हजार ,१२ हजार र ९ हजार कतारी रियल बुझेर गौतमले ति कम्पनीको पक्षमा मात्र काम गरेको आरोप छ ।  दुतावाससँग डिमाण्ड प्रमाणीकरण गर्न जनवरी एक गते देखि गर्नु गराउनु भन्ने कुनै आदेश निर्देशन नभएपनि आर्थिक लाभ कै निमित्त श्रम सहचारीले कतारको लोकल मेनपावर एजेन्सीको मिलेमतोमा ब्यावसायीको भनाई छ ।

अभिलब्भ बबस्टार ,प्रेट्रो सप र बिआरके कम्पनीको फाइल कुन मापदण्ड र प्रकृयाबाट दुताबासले प्रमाणीकरण गरिएको हो त्यस्को कारण देखाउन समेत सचिबसँग माग गरेका छन् । श्रम सहचारीकै कारण कतारी कम्पनीहरुले नेपाली कामदार मेहनती इमान्दार भएपनि अन्य देशबाट कामदार लिन बाध्य बनाएको ब्यावसायीको गुनासो छ ।

कतारमा कुनैपनि अन्तराष्ट्रिय हवाइमा प्रतिवन्ध नभएमा आउँदो जनवरी एक तारिकदेखि सबै कामदारका लागि डिमाण्डहरु सदर गर्ने र नेपाली कामदार कतार पठाउने सहमति भएको अवस्थामा सोही अनुसार कामदार पठाउनु पर्ने संघको दाबी छ ।

यो पनि पढ्नुहोस् :

प्रभु लाइफ इन्स्योरेन्सको साधारण शेयर बाँडफाँड