अखबार नेपाल ट्रेन्डिङ

काठमाडौं: इसाई धर्मावलम्बीहरूको आज क्रिसमस दिवस भव्य रुपमा मनाउँदैछन् ।

ग्रेगोरियन पात्रो अनुसार यो दिवस प्रत्येक वर्षको डिसेम्बर महिना २५ तारिखका दिन विश्वभरका क्रिश्चियन धर्मावलम्बीले मनाउँछन् ।

क्रिसमसका अवसरमा नेपालमा पनि काठमाडौं, पोखरा, धरान लगायतका पर्यटकीय शहरमा छुट्टै रौनक हुने गरेको छ ।

इसाई धर्म अनुयायी अधिक रहेको ठाउँमा येशूको शिक्षा एवं उपदेशबारे कुराकानीका सँगै उपहार आदान–प्रदान गर्ने, शान्ति, समृद्धिको कामना गरिन्छ ।

नेपालमा करिव ४ सय वर्षदेखि इसाइ धर्मावलम्बीको बसोबास सुरु भएको र त्यतिबेलैदेखि क्रिसमस मनाउन थालिएको बताइन्छ ।

आज क्रिसमसको दिन सरकारले देशभर सार्वजनिक बिदा त दिएको छैन । तर बाहुल्य क्षेत्रहरुमा बिदा दिन सकिने परिपत्र जारी गरेको छ ।

हालको इजरायलमा पर्ने जेरुसेलमको बेथहेलममा कन्या मारियामको कोखबाट २ हजार वर्षअघि येशुको जन्म भएको मानिन्छ ।

येशुलाई जिसस क्राइष्ट पनि भनिन्छ । उनले सर्वसाधारणलाई अन्याय, अत्याचार, विभेदबाट मुक्ति दिलाउन आफैं क्रसमा चढेको र उनको योगदानको सम्झनामा अनुयायीमार्फग इस्वी संवत् सुरु गरिएको विश्वास छ ।