अखबार नेपाल ट्रेन्डिङ

काठमाडौंः पछिल्लो २४ घण्टामा नेपालमा थप एक हजार २ सय १७ जनामा कोरोना संक्रमण पुष्टि भएको छ । योसँगै नेपालमा कोरोना भाइरस संक्रमितको संख्या २ लाख ४५ हजार ६ सय ५० पुगेको छ ।

यसैगरी २४ घण्टाको अवधिमा थप १ हजार ६४ जना कोरोना संक्रमणमुक्त भएका छन । योसंगै अहिलेसम्म कुल दुई लाख ३१ हजार ६ सय १ जना संक्रमित निको भएका छन् ।

कोरोना भाइरस संक्रमण पहिचानका लागि हालसम्म १८ लाख १३ हजार २ सय ४ पीसीआर नमूना परीक्षण गरिएको छ ।
अहिले क्वारेन्टिनमा ५ सय १५ जना बसिरहेका छन ।

पछिल्लो २४ घन्टामा थप १२ जनाको कोरोना संक्रमणका कारण मृत्यु भएको छ । योसंगै कोरोना संक्रमणवाट हालसम्म १ हजार ६ सय ६३ जनाको मृत्यु भएको छ ।