अखबार नेपाल ट्रेन्डिङ

काठमाडौं: ‘हिमाल पहाड तराई मधेस नेपाली कांग्रेस जागरण अभियान’ भन्ने मूल नारा रहेको राष्ट्रिय जागरण अभियानमा बर्तमान सरकारले जनचाहाना अनुरुप कुनैपनि काम नगरेको र कांग्रेसको सरकार हुँदा राष्ट्रिय हितका बिषयमा अगाडि सारिएका बिषयहरुमा सत्तारुढ दलले चासो नदेखाएको बिषयमा जनजागरण अभियान गर्न लागेको नेपाली कांग्रेसले बताएको छ ।

अभियानमा कांग्रेसको बिगतको उपलब्धिको सम्प्रेषण, संविधानमा देखिएका बिमतिको समिक्षा, तराई मधेसका असन्तुष्टिको समिक्षा, महिला हिंसा, दैवी प्रकोप लगायतका बिषयलाई अगाडी सारिएको नेपाली कांग्रेसका प्रवक्ता विश्वप्रकाश शर्माले बताए । जागरण अभियान तीन चरणमा गरिने बताईएको छ ।

बैशाख ११ देखी जेठ ११, भाद्र २४ देखी असोज सात र पौष सात देखी पौष सत्र गतेसम्म गरि चलाईने अभियानाको पहिलो चरणमा ७७ जिल्लामा केन्द्रिय प्रतिनिधि पुगेर ७७ जिल्लाको जनगुनासो सुन्नेसँगै दोस्रो चरणमा केन्द्रिय प्रतिनिधि प्रत्येक ३३० निर्वाचन क्षेत्रमा पुगेर जनगुनासो सुन्ने र तेस्रो चरणमा ७५३ स्थानीय तहमा दश दिनसम्म स्थानीय समस्याको टिपोट गर्ने कार्यक्रम रहेको कांग्रेस प्रवक्ता शर्माले जानकारी दिएका छन् ।

कांग्रेसको उक्त अभियानमा पहिले पार्टिमा योगदान पुर्याउने व्यक्तिको अभिलेख सर्कुलर राख्ने र पुराना अग्रजलाई सम्मान गर्ने शहिद परिबारका सदस्यलाई भेट्ने र संगै यसैमा प्लस टु प्लस बिद्यार्थी अभियान चाल्ने बताईएको छ । कांग्रेसको उक्त अभियानले नेपाली जनतालाई लोकतन्त्र छ है भन्ने अवास गराउनुका साथै जनताका समस्यामा प्रत्यक्ष प्रतिनिधि समाबेश हुनाले जनतालाई पनि फाईदा हुने कांग्रेस बताएको छ । कांग्रेसको राष्ट्रिय जागरण अभियानमा देशभरिका भातृ संगठन र जिल्ला र केन्द्रिय प्रतिनिधिको सहभागिता रहने जनाएको छ ।