अखबार नेपाल ट्रेन्डिङ

एजेन्सी: १३औं संस्करणको ईण्डियन प्रिमियर लिग (आईपीएल)को उपाधि मुम्बई ईण्डियन्सले जितेको छ ।

मुम्बईले पाँचौ पटक ईण्डियन प्रिमियर लिग आईपीएलको उपाधि जित्न सफल भएको छ । दिल्ली क्यापिटल्सलाई ५ विकेटले हराउँदै मुम्बईले उपाधि हात पारेको हो ।

युएईको दुबईस्थित दुबई ईन्टरनेशनल स्टेडियममा गएराती सम्पन्न आईपीएलको फाईनलमा टस जितेर पहिले ब्याटिङ्ग गरेको दिल्लीले १ सय ५७ रनको लक्ष्य प्रस्तुत गरेको थियो ।

जवाफि ब्याटिङ्ग गरेको मुम्बईले दिल्लीले दिएको लक्ष्य औं १९औं ओभरमा ५ विकेट गुमाउँदै पूरा गर्यो ।

मुम्बईलाई जित दिलाउन कप्तान रोहित शर्माले कप्तानी ईनिङ्ग खेले । उनले ५१ बलमा ५ चौका र ४ छक्काको मद्दतमा ६८ रनको सर्वाधिक ईनिङ्ग खेले ।

यसबाहेक ईशान किशानले महत्वपूर्ण ईनिङ्ग खेल्दै नटआउट रन बनाए भने ओपनर क्विन्टन डिककले २० रनको सहयोग गरे ।

दिल्लीका लागि एन्रिक नोर्जेले २ तथा कागिसो रबाडा र मार्कस स्टोइनिसले १–१ विकेट लिए ।

यसअघि पहिले ब्याटिङ्ग गरेको दिल्लीले २० ओभरमा ७ विकेट गुमाउँदै १५६ रनको योगफल तयार पारेको थियो ।

दिल्लीको शुरुवात भने राम्रो हुन सकेन । उसले आफ्नो पहिलो विकेट ईनिङ्गको पहिलो बलमा नै स्टोइनिसको रुपमा गुमाउन पुग्यो ।

त्यसपछि अजिंक्या राहाणे २ रन बनाउँदै आउट भए । दुबै विकेट ट्रेन्ट बोल्टले लिएका थिए । यसपछि लयमा रहेका शिखर धवन पनि १५ रन बनाएर जयन्त यादवको सिकार भए ।

यसपछि दिल्लीको ईनिङ्गलाई कप्तान श्रेएस ऐयर र रिसब पन्त्ले जोगाए । ऐयरले ६५ तथा पन्तले ५६ रनको महत्वपूर्ण ईनिङ्ग खेले ।

मुम्बईका लागि बलिङ्गतर्फ बोल्टले ३ तथा नाथन कुल्टरनाईलले २ विकेट हात पारे ।