अखबार नेपाल ट्रेन्डिङ

काठमाडौं: प्रमुख निर्वाचन आयुक्तमा सिफारिस दिनेशकुमार थपलियाको संसदीय सुनुवाइ आज हुने भएको छ । संसदीय सुनुवाई विशेष समितिको हिजोको बैठकले प्रमुख आयुक्तमा सिफारिश थपलियाको सुनुवाई आज गर्ने निर्णय गरेको हो ।

समितिमा थपलियाबिरुद्ध ६ वटा उजुरी परेको छ । समितिले उजुरी दिनेलाई आज विहान ११ बजे छलफलका लागि बोलाएको छ । उजुरीकर्तासँगको छलफलपछि थपलियाको सुनुवाई दिउँसो २ बजे हुने छ । समाबेसी आयोगमा सिफारिस हुनु भएकी बिष्णुकुमारी ओझाको पनि आज नै सुनुवाइ हुने भएको छ ।

सुनुवाइ समितिले सर्वोच्च अदालतमा सिफारिस न्यायाधीशहरुको सुनुवाइ भने ५ गते मात्र गर्ने भएको छ । यद्यपी उनीहरुविरुद्ध उजुरी भने संकलन भैसकेको समितिले जनाएको छ ।