अखबार नेपाल ट्रेन्डिङ

काठमाडौ : नेपाल सरकारको न्याय सेवा आयोगले न्याय, सरकारी वकिल समूह तथा कानुन सेवामा कार्यरत कर्मचारीको सरुवा गरेको छ ।

हिजो आइतबार बसेको बैठक सो समूहमा कार्यरत २ सय ९४ जना कर्मचारीको सरुवा गरेको हो ।

यसरी सरुवा हुनेमा राजपत्रांकित प्रथम श्रेणीदेखि शाखा अधिकृतसम्म रहेका छन् ।

सरकारी वकिल समूहमा कार्यरत १२ जना राजपत्रांकित प्रथम श्रेणीका कर्मचारीलाई कार्यरतभन्दा अन्य कार्यालयमा सरुवा गरिएको छ भने न्याय सेवामा कार्यरत १३ जना राजपत्रांकित प्रथम श्रेणीका कर्मचारीलाई विभिन्न कार्यालयमा सरुवा गरेको छ ।

त्यसैगरी न्याय सेवाका २९ जना राजपत्रांकित द्वितीय श्रेणीका कर्मचारीलाई पनि आयोगको बैठकले सरुवा गरेको छ भने सरकारी वकिल समूहबाट द्वितीय श्रेणीका ४६ जना कर्मचारीहरु विभिन्न कार्यालयमा सरुवा गरेको छ । यस्तै कानुन समूहका तीन जना द्वितीय श्रेणीका कर्मचारीलाई सरुवा गरेको छ ।

आयोगको बैठकले न्याय समूहमा कार्यरत तृतीय श्रेणीका १ सय ४७ जना कर्मचारीलाई पनि सरुवा गरेको छ । सबैभन्दा धेरै सरुवा गरेको न्याय समूहका तृतीय श्रेणीका कर्मचारीहरु रहेका छन् ।

सरकारी वकिलतर्फ कार्यरत तृतीय श्रेणीका ४१ जना कर्मचारीहरु पनि सरुवामा परेका छन् ।