अखबार नेपाल ट्रेन्डिङ

काठमाडौं: बर्दिया, राजापुर नगरपालिका-१० खैरीचन्दनपुर बस्ने खैरी कन्चनपुर महाकाली नगरपालिका-८ घर भएका २७ वर्षीय जय बहादुर सुनारलाई ३४ वर्षीया महिलालाई जबरजस्ती करणी गरेको अभियोगमा सोमबार राति प्रहरीले पक्राउ गरेको छ । ती महिलालाई असोज १४ गते सुनारले झारफुक गर्ने क्रममा जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय राजापुरबाट खटिएको प्रहरीले उनलाई पक्राउ गरेको हो ।

त्यस्तै ललितपुर महानगरपालिका-१४ थसिखेल बस्ने तनहुँ भानु नगरपालिका-३ घर भएका ३० वर्षीय मनिष नेपाललाई १६ वर्षीया किशोरीलाई जबरजस्ती करणी उद्योग गरेको अभियोगमा आइतबार प्रहरीले पक्राउ गरेको छ । ललाई फकाई ती किशोरीलाई जबरजस्ती करणी उद्योग गरेको भन्ने खबर प्राप्त हुनासाथ महानगरीय प्रहरी वृत्त सातदोबाटोबाट खटिएको प्रहरीले उनलाई पक्राउ गरेको हो ।

साथै ओखलढुङगा, मानेभन्ज्याङ गाउँपालिका-३ उँवु बस्ने ३७ वर्षीय मेडल राईलाई २४ वर्षीया महिलालाई जबरजस्ती करणी उद्योग गरेको अभियोगमा  सोमबार दिउँसो प्रहरीले पक्राउ गरेको छ । ती महिलालाई सुतिरहेको अवस्थामा जबरजस्ती करणी उद्योग गरेको भन्ने खबर प्राप्त हुनासाथ जिल्ला प्रहरी कार्यालयबाट खटिएको प्रहरीले उनलाई पक्राउ गरेको हो ।

यस सम्बन्धमा स्थानीय प्रहरीले आवश्यक अनुसन्धान गरिरहेको छ ।