अखबार नेपाल ट्रेन्डिङ

एजेन्सीः इण्डियन प्रिमियर लिग (आईपीएल) क्रिकेटको उद्घाटन खेलमा चेन्नाई सुपर किंग्सले विजयी सुरुवात गरेको छ ।

डिफेन्डिङ च्याम्पियन मुम्बई इण्डियन्सलाई ५ विकेटले पराजित गर्दै चेन्नाईले विजयी सुरुवात गरेको हो ।

शनिबार युएईमा भएको खेलमा मुम्बईले दिएको १ सय ६३ रनको लक्ष्य पछ्याएको चेन्नाईले निधारित लक्ष्य १९ दशमलव २ ओभरमा भेट्यो । चेन्नाईको जितमा फाफ् डुप्लेसीसले अविजित ५५ रनको इनिङ्स खेले ।

यसअघि चेन्नाईका अम्बती रायडुले सर्वाधिक ७१ रन बनाए । उनले ४८ बलमा ६ चौका र ३ छक्का प्रहार गरे । साम कुरनले १७ तथा रविन्द्र जडेजाले १० रन बनाए । यसअघि सेन वाटसन ४ र मुरली विजय १ रनमा आउट भए ।

कप्तान महेन्द्र सिंह धोनी शुन्य रनमा अविजित रहे । मुम्बईका टेन्ट बोल्ट, जसप्रित बुमराह, जेम्स प्याटिसन, कुनाल पाण्ड्या र राहुल चाहरले समान एकएक विकेट लिए ।

यसअघि सेख जियाद स्टेडियममा भएको खेलमा टस हारेर पहिले ब्याटिङको निम्तो पाएको मुम्बईले निर्धारित २० ओभरमा ९ विकेट गुमाउँदै १ सय ६२ रन बनाएको थियो ।

मुम्बईका लागि शौरभ तिवारीले सर्वाधिक ४२ रन बनाए । रविन्द्र जडेजाको बलमा फाप् डुप्लेसिसको हातबाट क्याच आउट हुनुअघि उनले ३१ बलमा ४ चौका र १ छक्का हिर्काए ।

यस्तै ओपनर तथा कप्तान रोहित शर्मा मात्र १२ रनमा आउट हुँदा अर्का ओपनर क्विन्टन डि ककले २० बलमा ३३ रन बनाए । कायरन पोलार्डले १८, सुर्य कुमार यादबले १७ रन बनाउँदा हार्दिक पाण्ड्याले १४ रन बनाए ।

अन्य ब्याट्सम्यानले उल्लेखनिय प्रदर्शन गर्न नसक्दा जसप्रित बुमराह र राउल चाहर क्रमस ५ र २ रनमा अभिजित रहे ।

चेन्नाईका लुंगी एन्गीडीले ३, रविन्द्र जडेजा र दिपक चाहारले समान २ विकेट लिए । पिउस चावला र साम कुरनको नाममा १–१ विकेट रहयो ।

पहिलो खेलमा जित निकालेसँगै महेन्द्र सिंह धोनीको चेन्नाईले २ अंक हात पारेको छ । मुम्बईले भने युएईमा हारबाट आईपीएलको सुरुवात गरेको छ ।