अखबार नेपाल ट्रेन्डिङ

काठमाडौं: प्रदेश नम्बर २ का एकजना मन्त्री र एक जना महिला प्रदेशसभा सदस्यमा कोरोना संक्रमण पुष्टि भएको छ ।

प्रदेश नम्बर २ का आन्तरिक मामिला तथा कानून मन्त्री ज्ञानेन्द्र कुमार यादवले गत साउन १८ गते काठमाडौंबाट फर्केर १९ गते स्वाब परिक्षण गराउँदा रिपोर्ट पोजेटिभ आएको बताए । उनि मन्त्रालयको निवासमा क्वारेन्टिनमा बसेका छन् ।

मन्त्री यादवले आफूमा कोरोना संक्रमण पुष्टि भएपनि डराउन पर्ने आवश्यकता नरहेकोले आफ्नो सम्पर्कमा आएका सबैलाई कोरोना परिक्षण गराउन अपिल गर्नु भएको छ ।

त्यस्तै जसपाका प्रदेश सभाकी सदस्यमा पनि बुधवार बेलुका रिपोर्ट आएसँगै कोरोना संक्रमण पुष्टि भएको प्रदेश जनस्वास्थ्य प्रयोगशालाले जानकारी दिएको छ ।

प्रदेश नम्बर २ मा ५ हजार २ सय ७२ जनामा कोरोना संक्रमण पुष्टि भएको छ भने कोरोनाको कारण २१ जनाको ज्यान गइसकेको छ ।