अखबार नेपाल ट्रेन्डिङ

काठमाडौं: अखिल नेपाल फुटबल संघ (एन्फा)का पूर्व अध्यक्ष गणेश थापा र उनका छोरा अभिषेब थापाले समाचार संकलनको क्रममा खेल पत्रकार प्रकाश तिमिल्सिनामाथि अभद्र ब्यवहार गरेका छन् ।

समाचार संकलनका निम्ति टेलिफोन सम्पर्क गर्दा एन्फाका पूर्व अध्यक्ष थापाले पत्रकार तिमिल्सिनामाथि अभद्र ब्यवहार गरेका हुन् । पत्रकार तिमिल्सिनामाथि थापाले गरेको ब्यवहार प्रति खेलकुद पत्रकारहरुको साझा संस्था नेपाल खेलकुद पत्रकार मञ्च (एनएसजेएफ)ले ध्यानाकर्षण भएको बताउँदै घटनाप्रति भत्र्सना समेत प्रकट गरेको छ ।

मञ्चले विज्ञप्ति जारी गर्दै पत्रकारहरुको भौतिक सुरक्षा प्रति यस घटनाले मञ्चको गम्भिर ध्यानकर्षण भएको उल्लेख गरेको छ । मञ्चले घटनाप्रति नेपाल सरकार, नेपाल पत्रकार महासंघ, अन्तर्राष्ट्रिय खेलकुद पत्रकार महासंघ (एआईपीएस) र एआईपीएस एसियाको समेत ध्यानाकर्षण गराएको जनाएको छ । नञ्चले यसस्ता घटना आगामी दिनमा नदोहोरियोस् भन्दै सम्पुर्ण पत्रकारहरुको सुरक्षाको माँग गर्दै नेपाल सरकारको ध्याकर्षण समेत गराएको छ ।