अखबार नेपाल ट्रेन्डिङ

रामेछाप: राष्ट्रिय परिचय पत्र वितरणका लागि रामेछाप जिल्लामा आजबाट विवरण संकलनको काम सुरु गरिएको छ ।

आगामी ३ बर्ष भित्र सरकारले आफ्ना सवै नागरीकहरुलाई डिजिटल प्रविधिको राष्ट्रिय परिचय पत्र वितरण गर्ने निति अनुसार रामेछाप जिल्लामा विहिबारबाट विवरण संकलनको काम सुरु गरिएको रामेछापका प्रमुख जिल्ला अधिकारी रुद्रादेवी शर्माले बताउनु भयो ।

जिल्ला समन्वय समिति रामेछापका प्रमुख प्रेमबहादुर खड्काबाट यसको उद्घाटन गरिएको छ । हाल जिल्ला सदरमुकाम मन्थलीबाट सुरु गरिएको अभियान चाडैनै जिल्लाका सवै स्थानीय तहमा पुर्याइने जिल्ला प्रशासन कार्यालय रामेछापले जनाएको छ ।

राष्ट्रिय परिचय पत्रका लागि १६ बर्ष उमेर पुरा भएको व्यक्तिले आफ्नो नागरिकताको प्रमाण पत्र र संभव भएसम्म उसको बुबा आमाको परिचय पत्र सहित कार्यालयमा सम्पर्कका लागि आउन जिल्ला प्रशासन कार्यालय रामेछापले अनुरोध गरेको छ ।