अखबार नेपाल ट्रेन्डिङ

काठमाडौं: सत्तारूढ नेपाल कम्युनिष्ट पार्टी (नेकपा)को स्थायी कमिटी बैठक असार १२ गते ११ बजे पुन: बस्ने गरी स्थगित भएको छ । आजको बैठकले असार १२ गते बस्ने बैठकको एजेन्डा पारित गरेको छ। स्थायी समिति सदस्य गणेश शाहका अनुसार अबको बैठकमा सरकारको कामको समीक्षा, पार्टी एकता प्रक्रिया अमेरिकी सहायता परियोजना (एमसिसी) र अन्य विषयमा विविध विषयमा छलफल हुने तय भएको छ।

बैठकले पारित गरेका एजेन्डाहरूमा वर्तमान परिस्थिति र स्थायी कमिटीको बैठकका सम्बन्धमा अध्यक्षद्वयको सम्बोधन, कोभिड-१९ को नियन्त्रण, रोकथाम र उपचार, नेपालको सीमा समस्या र समाधान, सरकारको कामको समग्र समीक्षा, पार्टी कामको समीक्षा र सांगठानिक एकथाको बाँकी कामहरू, एममसीसी र विविध विषय छन् । बैठकमा रूकुम घटना, नागरिकता विधेयक र संघीय संसदहरूको भत्ताका विषयमा पनि छलफल हुने भएको छ।

आजको बैठकमा बोल्दै प्रधानमन्त्री ओलीले सरकारले राम्रो काम गरिरहेको र ती कामको विस्तृतमा व्याख्या गर्नुभयो । सम्बोधनका क्रममा अर्का अध्यक्ष प्रचण्डले अहिले सरकारका काम प्रभावकारी नभएको र अझै प्रभावकारी बनाउनु पर्ने आवश्यकता औंल्याएका थिए।