अखबार नेपाल ट्रेन्डिङ

एजेन्सीः बार्सिलोना स्पेनिस ला लिगा फुटबलको शीर्ष स्थानमा उक्लिएको छ । बार्सिलोनाले एट्लेटिको बिल्बाओलाई १–० गोल अन्तरले पराजित गर्दै लिगको शीर्ष स्थानमा फर्किएको हो । ईभान राकिटिचको गोलमा बार्सिलोनाले महत्वपूर्ण तीन अंक बटुल्न सफल रह्यो ।

६४औं मिनेटमा बैकल्पिक खेलाडीको रुपमा मैदान छिरेका राकिटिचले बार्सिलोनालाई जित दिलाएका हुन् । लियोनल मेस्सीको पासमा उनले खेल सकिन १९औं मिनेट अगाडि गोल गरे । योसंगै स्पेनिस लिगको यस सिजन मेस्सीले १५औं गोलको अवसर सिर्जना गर्न सफल रहे । उनी आफै करियरको ७ सय गोल पुरा गर्न एक गोलको खोजिमा छन् ।

रियल मड्रिडले बुधबार मालोर्कालाई पराजित गरेको खण्डमा पुन लिगको शीर्ष स्थानमा फर्कन सक्नेछ । तर पछिल्लो जितले बार्सिलोनाले आफुलाई उपाधि होडमा राखेको छ । राकिटिचले सिजनको पहिलो गोल गर्न सफल रहे । शीर्ष स्थानको बार्सिलोनाको ६९ अंक छ । एक खेल कम खेलेको दोस्रो स्थानको रियल मड्रिको ६५ अंक छ । बिल्बाओ ४२ अंक सहित तालिकाको दशौं स्थानमा यथावत छ ।