अखबार नेपाल ट्रेन्डिङ

एजेन्सीः ईङ्गलिश प्रिमियर लिग अन्तर्गत मंगलबार राति भएको खेलमा टोटनहमले वेस्ट ह्याममाथि २–० को जित निकाल्दै शिर्ष चारमा रहने सम्भावनालाई कायम राखेको छ । यता वेस्ट ह्यामका लागि हारले प्रिमियर लिगबाट घटुवा हुने खतरा थपेको छ ।

टोटनहमको घरेलु मैदान टोटनहम हटस्पर्समा भएको खेलमा उसलाई जित दिलाउन ह्यारी केनले पहिलो गोल गरे भने एउटा गोल उपहार पाएको थियो । खेलको ६४औं मिनटमा वेस्ट ह्यामका मिडफिल्डर टोमस सौसेकले जियोभानी लो सेल्सोको कर्नर किकलाई क्लियर गने क्रममा आफ्नै पोष्टमा आत्मघाति गोल गर्दै टोटनहमलाई पहिलो अग्रता दिलाएका थिए ।

यस्तै खेलको ८२औं मिनटमा केनले सिजनको १८औं गोल गर्दै टोटनहमलाई दोश्रो अग्रता दिलाए । जितसँगै टोटनहम ३१ खेलमा ४५ अंक जोड्दै अंक तालिको ७औं स्थानमा उक्लिएको छ । यता वेस्ट ह्याम भने गोल भिन्नताको आधारमा मात्र रेलिगेशन जोनमा रहेको बर्नेमाउथभन्दा भन्दा एक स्थानमाथि छ । दुबैको ३१ खेलमा २७ अंक छ भने एस्टनभिल्ला र नर्विच पुछारमा छन् ।