अखबार नेपाल ट्रेन्डिङ

एजेन्सीः भारतमा कोरोना संक्रमितको संख्या एक लाख ५० हजार नाघेको छ । जोन हप्किन्स विश्वविद्यालयले प्रकाशित गरेको बुधबार बिहानसम्मको तथ्यांक अनुसार भारतमा १ लाख ५० हजार ७ सय ९३ मा संक्रमण पुष्टि भएको छ ।

सर्वाधिक संक्रमण फैलिएका देशको सूचीमा भारत १० औं स्थानमा छ । भारतभन्दा अघि क्रमशः टर्की, जर्मनी, फ्रान्स, इटाली, स्पेन, बेलायत, रुस, ब्राजिल र अमेरिका छन् । भारतमा ४ हजार ३ सय ४९ जनाको मृत्यु भएको छ । त्यस्तै, भारतमा ६४ हजार २ सय ७७ जना संक्रमित अहिले संक्रमणमुक्त भएका छन् ।