अखबार नेपाल ट्रेन्डिङ

काठमाडौं: विश्व मिर्गौला दिवस आज नेपालमा विविध चेतनामूलक कार्यक्रम गरी मनाईंदै छ । मिर्गौला रोगबारे जानकारी दिन र यसबाट बँच्न अपनाउनुपर्ने उपायबारे सर्बसाधारणलाई जानकारी दिने लक्ष्यसहित हरेक बर्षको मार्च महिनाको दोस्रो विहीबार यो दिवस मनाउने गरिन्छ ।

मिर्गौला रोगको शुरुवाती लक्षण नदेखिने र अन्तिम अवस्थामा कामै नलाग्ने हुनसक्ने भएकाले बर्षको एकपटक परीक्षण गर्नैपर्ने चिकित्सकहरु सल्लाह दिन्छन् । प्रशस्त पानी पीउने, धुमपान मध्यपान नगर्ने, शारिरिक व्यायाम गर्न र खानपानमा ध्यान दिएमा मिर्गौला रोग लाग्नबाट जोगिन सकिन्छ ।

सरकारले मिर्गौला रोगको उपचारका लागि विपन्न नागरिकलाई निःशुल्क डायलासिस र प्रत्यारोपणमा १ लाख रुपैयाँसम्म अनुदान दिने गरेको छ । विश्व स्वास्थ्य संगठनको तथ्यांकलाई आधार मान्ने हो भने कुल जनसंख्याको १० प्रतिशतमा मिर्गौलाको खराबी हुने गरेको छ । यही तथ्यांक आधार मान्ने हो भने ३० लाख नेपाली मिर्गौलाका बिरामी छन् ।